Find Us Online At
iBookstore
Android app on Google Play
Like Us
A programme by
Nzuri Ingawa ni Kifo
28 January 2013

Kuna msemo usemao “kizuri hakikosi kasoro”. Kwa mfano mnyama, mdudu au ua vikiwa na rangi rangi nyingi za kupendeza, mara nyingi pia huwa na sumu. Basi hali pia ni vivyo hivyo huko angani. Pichani ni puto la rangi ya pinki ling’aalo pembezoni mwa anga lenye nyota. Mawingu haya ya kupendeza ni ya hatari mno ingawa yanapendeza kwa macho kutokana na kutoa miale mikali mno inayoweza kusababisha kifo!

Wingu la gesi linalowaka katika picha linaitwa ‘Superbubble’ na hupatikana katika maeneo ambapo nyota nyingi na kubwa zimetengenezwa katika siku za karibuni. Nyota hizi changa hutoa upepo mkali na kufanya nyota kubwa zikue haraka haraka na kufa wakati bado ni changa. Hukua haraka haraka na kisha kulipuka katika mlipuko wa supernova. Ni nguvu hizi za usambaratisho zilizorundikana katika kiini cha wingu na kutengeneza ukingo wa gesi na vumbi.

Vurugu zinazotokea ndani ya super bubble huendelea hadi nje ya eneo la wingu katika mfumo wa mionzi hatari ya X-ray. Wanasayansi wamegundua kuwa wingu hili linatoa mionzi hiyo mara 20 zaidi ya walivyodhania! Hivyo basi kuwa mfano wa vitu vyenye kupendeza lakini vinavyoweza kusababisha kifo! Ushauri wangu ni kwamba: furahia vitu vizuri huku ukiwa katika umbali salama!

Dokezo

Supperbubble hii inapatikana ndani ya galaxi ndogo iitwayo Large Magellanic Cloud. Ndio, umekisia sawa; galaxi ndogo ni zile zenye nyota chache na ndogo kabisa ijulikanayo ina udogo mara milioni 20 ulinganisha na ya kwetu, Milk Way!

Share:

More news
12 October 2020
1 October 2020
16 September 2020
14 September 2020
10 September 2020

Images

Beautiful but Deadly
Beautiful but Deadly

Printer-friendly

PDF File
1.0 MB