Find Us Online At
iBookstore
Android app on Google Play
Like Us
A programme by
Mabawa ya Seagull Nebula
6 February 2013

Nyota ing’aayo na michirizi ya nyota zinazowaka katika picha vinatengeneza Nebula nzuri ya Seagull. Umbo hili kubwa lililopo katika mfumo wa ndege limetengenezwa na mawingu matatu makubwa ya gesi: kichwa na mabawa mawili. Unaweza kuliona umbo lote kwa ukamili hapa. Pichani ni sehemu ndogo tu ya nebula yote. Je unaweza kukisia ni hiyo ni sehemu gani ya Nebula? Ni mabawa! Je ulipatia? 

Gesi nyekundu inayowaka katika picha sio tu kwamba inapendeza, bali pia ina taarifa muhimu. Rangi hiyo inawaambia wanaastronomia kuwa, hicho tunachokiangalia ni gesi ya hidrojeni – ambayo ni elementi inayopatika kwa wingi sana ulimwenguni.

Kuna maada nyingi sana hapa Duniani, ila ulijua kuwa kama ukizivunja vunja utatambua kuwa zimetengenezwa na chembe chembe za kikemikali chache muhimu? Tunaziita chembe chembe hizi ‘elementi’. Kwa mfano Carbon ni elementi, lakini ukiichanganya na elementi nyingine unaweza kutengeneza maelfu ya maada, kama vile sukari, plastiki na pombe. 

Tunaweza kuzipata chembe chembe hizi muhimu angani pia, kwa kuangalia rangi za mwanga tunaoukusanya. Ni nyota changa na zenye joto kali zilizotengenezwa ndani ya mawingu haya ambazo zinasababisha gesi ya haidrojeni kuwaka na kung’aa. 

Dokezo

Haidrojeni inawaka sana. Inawaka sana hadi ikawa inatumika kama mafuta ya vyombo vya kwenda angani roketi! Lakini hapo hapo, haidrojeni ndiyo inayowaka katika kiini cha nyota na kuzifanya zing’ae. Sasa ni nani anaishangaa? 

Share:

More news
12 October 2020
1 October 2020
16 September 2020
14 September 2020
10 September 2020

Images

The Wings of the Seagull Nebula
The Wings of the Seagull Nebula

Printer-friendly

PDF File
1.1 MB